ლუჰანსკის რეგიონული სამხედრო ადმინისტრაციის ხელმძღვანელის, სერჰი ჰაიდაის განცხადებით, რუსებმა კიდევ ერთხელ დაიწყეს მასიური თავდასხმა ენერგოსისტემის ობიექტებზე.
"კრიტიკული ინფრასტრუქტურის მასიური დაბომბვის გამო, საჭიროა ელექტროენერგიის გადაუდებელი გათიშვა!
რუსმა ტერორისტებმა კიდევ ერთხელ დაიწყეს მასიური თავდასხმა ენერგოსისტემის ობიექტებზე უკრაინის რამდენიმე რეგიონში. რაკეტების ნაწილი ჩამოაგდეს საზენიტო თავდაცვის საშუალებით, ნაწილი კი მიზანს მოხვდა," - თქვა ლუჰანსკის რეგიონული სამხედრო ადმინისტრაციის ხელმძღვანელმა.
ჰაიდაის თქმით, უკრაინის შეიარაღებული ძალები ლუჰანსკის რეგიონში წინ მიიწევენ. ამასთან, ის აღნიშნავს, რომ რუსული "გრადი" რეგულარულად დაფრინავს დეოკუპირებულ დასახლებებში, საიდანაც მშვიდობიანი მოსახლეობის ევაკუაცია მიმდინარეობს.
დღეს დილით, რუსულმა ძალებმა უკრაინის ქალაქებზე სარაკეტო შეტევა განახორციელეს. უკრაინის საჰაერო ძალების ცნობით, 50-ზე მეტი რუსული რაკეტიდან უკრაინელმა დამცველებმა 44 ჩამოაგდეს. ამასთან, საჰაერო ძალების ინფორმაციით, რუსმა ოკუპანტებმა უკრაინის კრიტიკული ინფრასტრუქტურა დაბომბეს.
დახურვა