„სამარცხვინოა“ - აქტივისტი „ოცნების“ დეპუტატს სიცრუეში ამხელს

12 აგვისტო:

• რუსეთმა ფოთის სანაპიროსთან ნაწილები გადმოსხა პორტის გარშემო 50 კმ-იანი ბუფერული ზონის შესაქმნელად.
• რუსეთის საოკუპაციო ნაწილებმა ზემო აფხაზეთის მიმართულებით სამხედრო ოპერაცია დაიწყეს.
• რუსეთის საოკუპაციო სამხედრო საჰარეო ძალებმა გორის რაიონის სოფელი თორტიზა დაბომბეს.
• კოდორის ხეობიდან მოსახლეობა მთლიანად გამოყვანილია.
• რუსულმა ავიაციამ თბილისის ზღვაზე იერიში მიიტანა.
• სერგეი ლავროვმა საქართველოს ხელისუფლების შეცვლის შესახებ ღიად განაცხადა.
• რუსეთის პრეზიდენტმა ქართულ-ოსური კონფლიქტის ზონაში „ძალით მშვიდობის დამყარების“ ოპერაციის დასრულების შესახებ განაცხადა.
• გორის დაბომბვის შედეგად ექვსი ადამიანი დაიღუპა.
• რუსეთის საოკუპაციო ჯარები სენაკში თავდაცვის სამინისტროს მე-2 ბრიგადის ბაზის ინფრასტრუქტურას ანადგურებენ.
• ილია მეორემ დიმიტრი მედვედევს მიმართვა გაუგზავნა და ცეცხლის უსწრაფესად შეწყვეტისა და სამშვიდობო მოლაპარაკებების დაწყებისკენ მოუწოდა.
• რუსეთი აგრძელებს საქართველოს ტერიტორიის საჰაერო დაბომბვებს.
• რუსეთის სამხედრო-საჰაერო ძალებმა შეტევა განახორციელეს ბაქო-თბილის-სუფსის ნავთობსადენზე.
• პარლამეტის წინ შეკრებილ მოსახლეობას მიხეილ სააკაშვილმა განუცხადა, რომ საქართველო რუს სამშვიდობოებს ოკუპანტებად, ხოლო სამხრეთ ოსეთისა და აფხაზეთის ტერიტორიებს ოკუპირებულ ტერიტორიებად გამოაცხადებდა. მან ასევე გამოაცხადა, რომ საქართველო დამოუკიდებელ სახელმწიფოთა თანამეგობრობიდან გამოდიოდა. (ამ დროს მეგობარი ქვეყნების პირველი პირები საქართველოს პარლამენტთან, ქართველი ხალხის გვერდით დგანან.)

13 აგვისტო:

• საქართველოში სამდღიანი გლოვა გამოცხადდა.
• გორს რუსი სამხედროები აკონტროლებენ. მათ გადაკეტეს გორთან დასავლეთისკენ მიმავალი საავტომობილო გზა და ქალაქში მოროდიორობა დაიწყეს.
• რუსეთმა ცეცხლის შეწყვეტის შესახებ გადაწყვეტილება დაარღვია და გორი კვლავ დაბომბა.
• გორიდან თბილისისკენ მომავალმა რუსულმა ტანკებმა უფლისციხის მიმართულებით გადაუხვია.
• რუსი ოკუპანტები მესტიის რაიონში შევიდნენ და, პარალელურად, გორში მშვიდობიან მოსახლეობას უსწორდებიან.

15 აგვისტო

• რუსმა ოკუპანტებმა მდინარე ცხენისწყლის საავტომობილო ხიდი გადაკეტეს, ხოლო მათმა სამხედრო ვერტმფრენებმა ბორჯომისა და ცემის მიმდებარე ტერიტორია დაბომბეს.

 

ბატონი ქადაგიშვილის განცხადება არის მტკნარი სიცრუე და დიახ, საქართველოს მეგობარი ქვეყნების პირველი პირები, ლეხ კაჩინსკის თაოსნობით, დიდი საფრთხის მიუხედავად, საქართველოში ჩამოვიდნენ მაშინ, როდესაც საომარი მოქმედებები აქტიურად მიმდინარეობდა, რადგან ასე იქცევიან ნამდვილი მეგობრები.

 

სამარცხვინოა, პატივს არ სცემდე მეგობარს. უფრო მეტად სამარცხვინოა, პატივს არ სცემდე საკუთარ ხალხს და ასე ურცხვად აჩეჩებდე ტყუილს ჩვენი უახლესი ისტორიის შესახებ. ამასთან, მისი, როგორც ადამიანის, პერსონალური ტრაგედიაა რამედ უღირდეს მსგავსი კომენტარის გაკეთება.

 

სამარცხვინოა!