გადაადგილების შეზღუდვა - პროტესტის კიდევ ერთი მიზეზი

არჩევნებიდან მე-7 დღეს საკოორდინაციო საბჭომ ამ წელს უკვე მეორედ მოქალაქეებს გადაადგილებაზე შეზღუდვა დაუწესა. მოქალაქე, რომელიც 9 ნოემბრიდან 22 საათის შემდეგ სახლის გარეთ დარჩება, 2 ათასი ლარით დაჯარიმდება. ოპოზიციონერი ლიდერები ფიქრობენ, რომ ამ გადაწყვეტილებით მმართველ პარტიას 8 ნოემბრის მასშტაბურ საპროტესტო აქციამდე 1 დღით ადრე მუხტის ჩახშობა სურს, თუმცა მათი თქმით, ახლა მოსახლეობას კიდევ ერთი პროტესტის მიზეზი გაუჩნდა