ინფექციური საავადმყოფოს სამედიცინო დირექტორის, მარინა ეზუგბაიას განცხადებით 11 ახალი შემთხვევიდან 2 ბოლნისის კლასტერს ეკუთვნის, ხოლო დანარჩენი 9 ერთ დადასტურებულ შემთხვევასთან კონტაქტში მყოფი პირია.
„11 დადასტურებული შემთხვევიდან 2 ბოლნისის ცნობილი წყაროა, ხოლო დანარჩენი 9 არის ერთი დადასტურებულ შემთხვევასთან კონტაქტირებული. გრძელდება კვლევა თუ არსებობს ამ წყაროში ინფიცირებულები... ეს პაციენტები გამოკვლეული იქნენ მე-13, მე-14 დღეს. იზოლაციაში იყვნენ ბინაზე“, - განაცხადა მარინა ეზუგბაიამ.
ბოლო მონაცემებით, საქართველოში კორონავირუსის 11 ახალი შემთხვევა გამოვლინდა და საერთო ჯამში, ვირუსის 757 შემთხვევა ფიქსირდება, გამოჯანმრთელებულთა რიცხვი კი 600-ია.
კორონავირუსის პირველი შემთხვევა საქართველოში 26 თებერვალს დაფიქსირდა, ამ მონაცემებით, ვირუსით 12 პაციენტი გარდაიცვალა.