ისრაელის თავდაცვის ძალების ცნობით, გუშინ ღამით ღაზაში 400-ზე მეტი სამხედრო ობიექტი გაანადგურეს.
თავდაცვის ძალების ინფორმაციით, ისრაელის არმიამ ჰამასის ინფრასტრუქტურასა და სამხედრო აღჭურვილობაზე თავდასხმები განახორციელა.
ამასთან, ერთ-ერთი ავიაიერიშის სამიზნე მეჩეთი იყო, რომელსაც ისრაელის მტკიცებით, ტერორისტები სამეთაურო ცენტრად იყენებდნენ. სარაკეტო იერიშის საფრთხის გამო, დილით განგაში იყო გამოცხადებული ღაზის საზღვრისპირა ორ დასახლებაში.
7 ოქტომბერს ღაზის სექტორიდან ისრაელის მიმართულებით ათობით რაკეტა გაუშვეს. ქვეყნის მასშტაბით განგაშის სირენები ამოქმედდა. თავდასხმაზე პასუხისმგებლობა პალესტინურმა დაჯგუფება ჰამასმა აიღო და თქვა, რომ 20 წუთში 5 000 რაკეტა გამოიყენეს.
გავრცელებულ შეტყობინებაში, ჰამასის სამხედრო მეთაურმა, მოჰამედ დეიფმა ამას ოპერაცია "ალ-აკსას წარღვნა" უწოდა და პალესტინელებს შეერთებისკენ მოუწოდა.
ისრაელის შეიარაღებულმა ძალებმა ჰამასის წინააღმდეგ საპასუხო დარტყმები განახორციელეს - მათ სამხედროების მობილიზება დაიწყეს და "საომარი მდგომარეობის" შესახებ გაფრთხილება გამოაცხადეს.
ისრაელის პრემიერმინისტრმა, ბენიამინ ნეთანიაჰუმ ამას ომი უწოდა - მისი თქმით, წინ ხანგრძლივი ბრძოლა ელით, თუმცა ისრაელი ომს მოიგებს, ხოლო ჰამასი პასუხს აგებს ამ ქმედებებისთვის.
დახურვა