NATO-ს გენერალური მდივნის, იენს სტოლტენბერგის განცხადებით, რუსეთი უკრაინაში სამხედრო მიზნებს ვეღარ მიაღწევს, რადგან უკრაინელებმა აჩვენეს, რომ საკუთარი თავის დაცვა შეუძლიათ.
"მნიშვნელოვანი სამხედრო ძალისხმევის მიუხედავად, რუსეთი უკრაინაში თავის მიზნებს ვეღარ მიაღწევს. რუსეთის პრეზიდენტის ბრძანებით უკრაინაში შეჭრის მიზანი ქვეყნის წინსვლის თავიდან აცილება იყო NATO-სა და ევროკავშირში. თითქმის ორწლიანი ომის შემდეგ, უკრაინა ახლა უფრო ახლოსაა NATO-სთან და ევროკავშირთან, ვიდრე ოდესმე.
ქვეყანამ უკვე დაკარგა ასობით თვითმფრინავი და ათასობით ტანკი, 300 000-ზე მეტი ჯარისკაცი კი დაიღუპა ან დაიჭრა. ამასთან, რუსეთი ახლა პოლიტიკურად უფრო იზოლირებულია. უკრაინელებმა აჩვენეს, რომ მათ შეუძლიათ საკუთარი თავის დაცვა", - თქვა სტოლტენბერგმა.
სტოლტენბერგის თქმით, არ არსებობს რაიმე ნიშანი, რომ პუტინი საკუთარ პოლიტიკურ მიზნებს შეცვლის. ამასთან, ის აღნიშნავს, რომ რუსეთის პრეზიდენტს მეტი ტერიტორიის ოკუპაციის მცდელობა ექნება.
დახურვა