უკრაინის შეიარაღებული ძალების სამხედროები აგრძელებენ დასახლებების გათავისუფლებას ხარკივის რეგიონში და იუჟნობუგსკის მიმართულებით. ამის შესახებ ფეისბუქზე უკრაინის შეიარაღებული ძალების გენერალური შტაბის ოპერატიული ინფორმაციაშია ნათქვამი.
"ხარკივის რეგიონში და იუჟნობუგსკის მიმართულებით რუსი დამპყრობლების მიერ დროებით დატყვევებული დასახლებების გათავისუფლება გრძელდება. ჩვენი სამხედრო მოსამსახურეების უსაფრთხოების მიზნით, ოფიციალურ ინფორმაციას მოგვიანებით მოგაწვდით." - აცხადებენ გენერალურ შტაბში.
ასევე ცნობილია, რომ დღის განმავლობაში, სახმელეთო დაჯგუფებების მოქმედებების მხარდასაჭერად, თავდაცვის ძალების თვითმფრინავებმა 17-ზე მეტი დარტყმა განახორციელეს მტრის ცოცხალი ძალისა და აღჭურვილობის დაგროვების ადგილებზე, აგრეთვე საბრძოლო მასალის საცავებზე. უკრაინის საჰაერო თავდაცვის ნაწილებმა დნეპროპეტროვსკის ოლქის საჰაერო სივრცეში გაანადგურეს უპილოტო საფრენი აპარატი და ჩამოაგდეს Kh-59 თვითმფრინავი.
გარდა ამისა, მიმდინარე დღის განმავლობაში არტილერიის ცეცხლსასროლი იარაღის ზემოქმედების შედეგად განადგურდა რუსების 2 სამეთაურო პუნქტი, მოწინააღმდეგის ცოცხალი ძალისა და სამხედრო ტექნიკის კონცენტრაციის 8 უბანი.
დახურვა