ჯანდაცვის მსოფლიო ორგანიზაცია კორონავირუსის წინააღმდეგ მედიკამენტების კლინიკური კვლევის პირველ შედეგებს მომდევნო ორ კვირის განმავლობაში ელოდება. ორგანიზაციის ხელმძღვანელმა ეს განცხადება ჟენევაში გამართულ ბრიფინგზე გააკეთა.
საუბარია 5 მედიკამენტზე, რომლებიც, შესაძლოა, კოვიდ-19-ით დაავადებულების მკურნალობის პროცესში ეფექტიანი აღმოჩნდეს.
კვლევაში მონაწილეობა 39 ქვეყნიდან 5 500-მდე პაციენტმა მიიღო. კორონავირუსით მსოფლიოში ნახევარ მილიონზე მეტი ადამიანი დაიღუპა. უკვე მესამე დღეა, შეერთებულ შტატებში ვირუსით ინფიცირების ახალი, 50 ათასზე მეტი შემთხვევა გამოვლინდა.
დახურვა