პარლამენტმა უმრავლესობის კვოტით ორი ახალი ვიცე სპიკერი - ირაკლი ჩიქოვანი და გიორგი კახიანი აირჩია.
15 ნოემბერს პლენარულ სხდომაზე მესამე მოსმენით პარლამენტის რეგლამენტში ცვლილებების შესახებ კანონპროექტი მიიღეს, რომლის თანახმადაც იზრდება პარლამენტის თავმჯდომარის მოადგილეების რაოდენობა და ნაცვლად 2-2 მოადგილისა, პარლამენტის თავმჯდომარის მოადგილედ შესაძლებელია აირჩეს 3 მოადგილე საპარლამენტო უმრავლესობიდან და 3 მოადგილე საპარლამენტო ოპოზიციაში შემავალი ფრაქციებიდან.
ჩიქოვანისა და კახიანის არჩევას 84-84-მა დეპუტატმა დაუჭირა მხარი.
მეათე მოწვევის პარლამენტში უმრავლესობის წარდგენით არჩეული ვიცე-სპიკერები არიან: არჩილ თალაკვაძე, ირაკლი ჩიქოვანი და გიორგი კახიანი. პარლამენტის პირველი ვიცე-სპიკერის თანამდებობას გიორგი ვოლსკი იკავებს, რომელიც პარლამენტის თავმჯდომარის წარდგინებით არის არჩეული.
ოპოზიციის კვოტით პარლამენტის ვიცე-სპიკერის მოადგილის თანამდებობას ავთანდილ ენუქიძე იკავებს.
დახურვა