საქართველოში ამერიკის შეერთებული შტატების ელჩი რობინ დანიგანი მედიის წარმომადგენლებს შეხვდა. ინფორმაციას ამის შესახებ საქართველოში აშშ-ის საელჩო ავრცელებს.
საელჩოს თანახმად, გმობენ ქართული ოცნების მიერ ბოლო დღეებში განხორციელებულ ძალადობას მედიასა და საქართველოს მოქალაქეებზე.
"მედია დემოკრატიის ქვაკუთხედია. ელჩი დანიგანი ესტუმრა ჟურნალისტებს, რომლებიც მამაცურად მუშაობენ საზოგადოების ინფორმირებისთვის და გვატყობინებენ სიმართლეს, რომელიც სხვაგვარად დაფარული შეიძლება დარჩეს. ჩვენ ვგმობთ ქართული ოცნების მიერ ბოლო დღეებში განხორციელებულ ძალადობას მედიასა და საქართველოს მოქალაქეებზე. მედიის წარმომადგენლებს უნდა ჰქონდეთ შესაძლებლობა, შეასრულონ თავიანთი მნიშვნელოვანი საქმიანობა ძალადობისა და რეპრესიის შიშის გარეშე", - ნათქვამია საელჩოს განცხადებაში.
დახურვა