რესპუბლიკელი კონგრესმენი, აშშ-ის ჰელსინკის კომისიის თავმჯდომარე ჯო უილსონი ეუთო-ს საპარლამენტო ასამბლეის პრეზიდენტს პია კაუმას საქართველოში ვიზიტის გაუქმების გამო მადლობას უხდის.
"ივანიშვილის რეჟიმს მოჩვენებითი ლეგიტიმაციაც კი არ უნდა მიენიჭოს. საქართველოს სჭირდება თავისუფალი და სამართლიანი არჩევნები!", - წერს ჯო უილსონი X-ზე.
I am grateful to @oscepa President @PiaKauma for this decision. The Ivanishvili regime must not be given even the semblance of legitimacy. Georgia needs free and fair elections! https://t.co/rILDcumh3y
ეუთო-ს საპარლამენტო ასამბლეის პრეზიდენტმა პია კაუმამ საქართველოში ვიზიტი გააუქმა.
"დისკუსიებისა და მჭიდრო განხილვის შემდეგ, გადავწყვიტე გადავდო ჩემი ვიზიტი საქართველოში იმ დრომდე, ვიდრე ეუთო-ს საპარლამენტო ასამბლეის ჩართულობა მეტად ეფექტური იქნება. ჩვენ მზად ვართ, მოვუსმინოთ ყველა ხმას და შევთავაზოთ დახმარება ეუთო/ოდირის საარჩევნო რეკომენდაციების განხორციელებაში", - დაწერა მან.
ეუთოს საპარლამენტო ასამბლეის პრეზიდენტის პია კაუმას დელეგაციის ვიზიტი საქართველოში 8-10 იანვარს იყო დაგეგმილი.
მას შემდეგ, რაც ვიზიტის შესახებ გახდა ცნობილი, საქართველოს მეხუთე პრეზიდენტმა სალომე ზურაბიშვილმა, ოპოზიციურმა კოალიციებმა, ასევე საერთაშორისო პარტნიორებმა პია კაუმას მიმართეს და ვიზიტის გადადება სთხოვეს.
3 ოპოზიციური კოალიცია აცხადებდა, რომ ქვეყანაში შექმნილი სიტუაციიდან გამომდინარე, ვიზიტის გადადება საუკეთესო გადაწყვეტილება იქნება, ვიდრე რეჟიმი არ აიღებს ვალდებულებას ახალი არჩევნების დანიშვნისა და პოლიტპატიმრების გათავისუფლების მიმართ.
ამასთან, ეუთო-ს საპარლამენტო ასამბლეის პრეზიდენტს რესპუბლიკელმა კონგრესმენმა, აშშ-ის ჰელსინკის კომისიის თავმჯდომარემ ჯო უილსონმაც მოუწოდა, რომ ამ ეტაპზე თბილისში არ ჩავიდეს.
დახურვა