უკრაინის პრეზიდენტი, ვოლოდიმირ ზელენსკი თურქეთში ჩავიდა. ამის შესახებ ინფორმაცია პრეზიდენტმა სოციალურ ქსელში გაავრცელა.
"ოფიციალური ვიზიტი თურქეთში. შეხვედრები პრეზიდენტ რეჯეფ თაიფ ერდოღანთან და პირველ ლედის ემინე ერდოღანთან.
პატიმრების გაცვლა - ყველა ძალისხმევა გაგრძელდება ჩვენი ხალხის სახლში დასაბრუნებლად. სურსათის უსაფრთხოება. პირველი ლედის საგანმანათლებლო და კულტურული დიპლომატია", - წერს ზელენსკი.
მანამდე, თურქეთის პრეზიდენტის მედიისა და კომუნიკაციების ხელმძღვანელმა, ფაჰრეთინ ალთუნმა X-ზე ინფორმაცია გაავრცელა იმის შესახებ, რომ უკრაინისა და თურქეთის პრეზიდენტები ერთმანეთს ანკარაში შეხვდებიან.
"შეხვედრებზე თურქეთ-უკრაინის სტრატეგიული პარტნიორობის ყველა ასპექტი და ორ ქვეყანას შორის თანამშრომლობის შემდგომი გაძლიერების მიზნით გადასადგმელი ნაბიჯები განიხილება", - განაცხადა ალთუნმა.
დახურვა