პარლამენტის დამოუკიდებელი დეპუტატი ეკა ბესელია ვარაუდობს, რომ უზენაესი სასამართლოს მოსამართლეობის კანდიდატების კენჭისყრა პარლამენტში მიმდინარე სასესიო კვირაში გაიმართება.
როგორც ბესელიამ აღნიშნა, იურიდიული კომიტეტის სხდომა 11 დეკემბერს ჩაინიშნა, სადაც სწორედ ეს საკითხი განიხილება.
ბესელია მმართველ გუნდს რეგლამენტის დარღვევაში ადანაშაულებს, რადგან, მისი თქმით, თუ განსაკუთრებული შემთხვევა არ არის, სასესიო კვირაში საკომიტეტო მოსმენები არ იმართება.
„არ შეიძლება სასესიო კვირას დაინიშნოს კომიტეტის სხდომა, ეს გარკვევით წერია რეგლამენტის მუხლში. იქ წერია, რომ მხოლოდ დაჩქარებული საკითხი განიხილება სასესიო კვირას, ხოლო კომიტეტის ასეთი სხდომა, შეიძლება დაინიშნოს მხოლოდ არასასესიო კვირაში. შემდეგი ოთხშაბათი არის სესიის დღე და ის, რომ რეგლამენტის დარღვევით ატარებს იურიდიული კომიტეტი, ეს დასაწყისშივე ცუდის მანიშნებელია“, - აცხადებს ბესელია.
დახურვა