როგორ უფასდება პოლიტიკური ლოიალობა ბიზნესს. ქართული ოცნების მსხვილ შემომწირველ კომპანიას 2013 წლიდან დღემდე ბიუჯეტიდან 160 მილიონი ლარი გადაუხადეს, აქედან 8 მილიონი - ტენდერის გარეშე. ჯეო გრუპის მფლობელებზე მსხვილი დაკვეთების გაცემა განსაკუთრებით გააქტიურდა მას შემდეგ, რაც კომპანიამ კახი კალაძის არჩევნების დროს 50 ათასი ლარი საარჩევნო კამპანიას შესწირა.
თბილისის მერი იმ კომპანიას უხდის მადლობას, რომლის მფლობელებმაც ქართულ ოცნებას საარჩევნოდ 50-50 ათასი ლარი შეწირეს. ახლა იგივე კომპანია ჭავჭავაძის გამზირზე გზის სარეაბილიტაციო პროექტს სატენდერო ვადების დარღვევით უკვე ერთ წელზე მეტია ახორციელებს, იქამდე კი სამუშაოებს კახეთის გზატკეცილზე ასრულებდა. კახა კალაძე ამტკიცებს, რომ „ჯეო გრუპმა“ ტენდერში სწორედ კონკურენციის პირობების დაცვით გაიმარჯვა. მაშინ,როცა ერთადერთი მონაწილე იყო
შპს „ჯეო გრუპის“ პოლიტიკური წარსული „ფლანგვის დეტექტორმა“ გაარკვია. ორგანიზაციაში დაითვალეს, რომ მას შემდეგ, რაც კახა კალაძემ არჩევნებში გაიმარჯვა, მერიამ კომპანიასთან 80 მილიონი ლარის ხელშეკრულებები გააფორმა. 2013 წლიდან დღემდე კი ოცნების შემწირველ კომპანიას სახელმწიფომ ბიუჯეტიდან 160 მილიონი გადაუხადა. მთავარი კითხვაა, რატომ გაუფორმა თბილისის მერიამ 8 მილიონიანი ხელშეკრულება კომპანიას, რომლის ჩატარებული სამუშაოებიც კახეთის გზატკეცილზე კალაძემ საჯაროდ გააკრიტიკა.
ის, რაც ფლანგვის დეტექტორს კითხვებს უჩენს გასაგებია ოპოზიციური პარტიებისთვის. ისინი შესაძლო კორუფციასა და ვიწრო პოლიტიკურ ინტერესებზე მიანიშნებენ.
ეკა ბესელიას გარდა, გაჭიანურებული სარეაბილიტაციო სამუშაოებით ჭავჭავაძის ქუჩის მცხოვრებლებიც შეწუხდნენ. ერთი წლის წინ დაწყებული სამუშაოები კიდევ რამდენიმე თვე შეიძლება გაგრძელდეს. უშუალოდ შემწირველებს „ფორმულა“ ვერ დაუკავშირდა, კომპანიის სხვა თანამშრომლები კი ფულად გადარიცხვასთან დაკავშირებით დასმულ კითხვებს არ პასუხობენ.
„ქართული ოცნების“ დეპუტატის, ბექა ოდიშარიასთვის მმართველი პარტიისთვის შეწირული ათასები და შემდეგ ტენდერების მოგება „კომპანიების პოლიტიკური გემოვნებით დისკრიმინაციაა“. სავარაუდო კორუფციაზე კითხვების დასმა კი თავის კომპეტენციად არ მიაჩნია.
„ფლანგვის დეტექტორის“ კვლევით, იმ 160 მილიონიდან, რომელიც სახელმწიფომ „ჯეო გრუპს“ ტენდერებით გადაუხადა, 8 მილიონი გამარტივებული შესყიდვაა. ეს ნიშნავს, რომ სახელმწიფომ კომპანიას ხელშეკრულება პირდაპირ კონკურსის გარეშე გაუფორმა.
დახურვა