რუსეთი ლუგარის ლაბორატორიაში ვიზიტის ჩატარებას ორმხრივ ფორმატში და საერთაშორისო ორგანიზაციების წარმომადგენლების გარეშე ითხოვს.
ქვეყნის საგარეო საქმეთა სამინისტროს ვებ-გვერდზე გამოქვეყნებულ განცხადებაში ოფიციალური მოსკოვი პროვოკაციულს უწოდებს საქართველოს მიერ გაჟღერებულ ბრალდებას, რუსეთიდან წამოსული აგრესიული დეზინფორმაციის შესახებ.
განცხადებაში ასევე წერია, რომ ეს ნაბიჯი საერთაშორისო საზოგადოების ყურადღების გადატანას ემსახურება იმ სამხედრო-ბიოლოგიურ საქმიანობიდან, რომელიც ლუგარის ლაბორატორიაში მიმდინარეობს.
"ვიზიტი უნდა განხორციელდეს ორმხრივ ფორმატში, სხვა ქვეყნის წარმომადგენელთა მონაწილეობის, ასევე საერთაშორისო და რეგიონალური ორგანიზაციების წარმომადგენლების გარეშე. PR-კამპანიაში, რომელიც მიზნად ისახავს შეერთებული შტატების სამხედრო დეპარტამენტის ბიოლოგების მიერ წარმოებული რეალური მუშაობის დაფარვას, ჩვენ არ მივიღებთ", - წერია რუსეთის საგარეო საქმეთა სამინისტროს განცხადებაში.
დახურვა