არასამთავრობო სექტორი სასამართლოს მიმართავს, რომ ხვალ საკონსტიტუციო სასამართლოს მოსამართლე არ დანიშნოს. მესამე სექტორის განცხადებით, პროცედურა საჯარო და გამჭვირვალე უნდა იყოს, საზოგადოებას კი კანდიდატთან დაკავშირებით დისკუსიისთვის დრო უნდა მიეცეს.
„როგორც ბატონი კიკილაშვილის შერჩევის შემთხვევაში გამოჩნდა, უზენაესი სასამართლოს თავმჯდომარემ კულუარულად, ყოველგვარი საჯარო აზრისა და განხილვის გარეშე ფორმალურად გააფორმა გადაწყვეტილება სხდომაზე და აშკარა იყო, რომ ამის შესახებ მზად არ იყვნენ თავად უზენაესი სასამართლოს მოსამართლეებიც. სამწუხაროდ ასეთივე პროცესის მოწმე ვიქნებით ამ შემთხვევაშიც. მიმდინარე პროცესები ოპტიმისტურად ყოფნის საფუძველს არ გვაძლევს, რომ დასახელებული კანდიდატი იქნება ისეთი კანდიდატი, რომელსაც, როგორც პროფესიულ წრეებში ასევე დანარჩენ საზოგადოებაში ექნება ნდობა და ავტორიტეტი“, - განაცხადა „საქართველოს დემოკრატიული ინიციატივის“ წარმომადგენელმა გიორგი მშვენიერაძემ.
დახურვა