სუმის რეგიონული სამხედრო ადმინისტრაციის უფროსის დმიტრი ჟივიცკის ინფორმაციით, დღეს რუსული ძალები სუმის ოლქის ქალაქ ახტირკას რამდენიმე დაწესებულებას, მათ შორის საბავშვო ბაღსაც დაესხნენ.
ჟივიცკის თქმით, ეს ქალაქზე მესამე შეტევაა. მძიმედ დაშავდნენ ბავშვები თუმცა დაჭრილთა და გარდაცვლილთა რაოდენობა უცნობია.
„ახტირკაში ჭურვების ქარიშხალი იყო, ჭურვებმა მიაღწიეს დასახლებულ პუნქტებამდე, საბავშვო ბაღსა და ბომბისგან თავდაცვის თავშესაფრებამდე.
იქ ძალიან ბევრი ადამიანი იმყოფებოდა. ჯერჯერობით არ გვაქვს ინფორმაცია დაჭრილთა და დაღუპულთა რაოდენობის შესახებ. ვიცით, რომ არიან მძიმედ დაჭრილი ბავშვები.
ეს დღეს ახტირკაზე მესამე თავდასხმაა." - წერს ჟივიცკი.
ჟივიცკი ასევე აცხადებს რომ სუმის ოლქში ჩართულია განგაშის სიგნალი. ის მოსახლეობას თავდასხმისგან დაცული თავშესაფრებში გადანაცვლებისკენ მოუწოდებს და ამბობს, რომ საგანმანათლებლო დაწესებულებების, სკოლებისა და საბავშვო ბაღების სარდაფები ღიაა.
ფაქტს გამოეხმაურა უკრაინის საგარეო საქმეთა მინისტრი დმიტრო კულებაც და აღნიშნა, რომ ეს ომის დანაშაული და რომის წესდების დარღვევაა. კულება აცხადებს, რომ მსგავსი ფაქტების შესახებ უკრაინა აუცილებლად მიმართავს ჰააგას და დააყენებს რუსეთის პასუხისმგებლობის საკითხს.
„დღევანდელი რუსული თავდასხმა საბავშვო ბაღსა და ბავშვთა სახლზე ომის დანაშაულია და რომის წესდების დარღვევაა. გენერალურ პროკურორის ოფისთან ერთად, ჩვენ ვაგროვებთ ამ და სხვა ფაქტებს, რასაც დაუყოვნებლივ გავგზავნით ჰააგაში. რუსეთზე პასუხისმგებლობის დაკისრება გარდაუვალია” - წერს უკრაინის საგარეო მინისტრი ტვიტერზე
Today’s Russian attacks on a kindergarten and an orphanage are war crimes and violations of the Rome Statute. Together with the General Prosecutor’s Office we are collecting this and other facts, which we will immediately send to the Hague. Responsibility is inevitable.
— Dmytro Kuleba (@DmytroKuleba) February 25, 2022
24 თებერვალს რუსეთმა უკრაინაში ომი დაიწყო. თვალი ადევნეთ უკრაინაში მიმდინარე მოვლენებს აქ - რუსეთმა უკრაინაში ომი დაიწყო - განახლებადი.
დახურვა