უკრაინის ვიცე-პრემიერის ირინა ვერეშჩუკის თქმით, აზოვსტალის ქარხნის ტერიტორიიდან მებრძოლების ევაკუაციის მოლაპარაკებები თურქეთის შუამავლობით მიმდინარეობს.
მისივე განცხადებით, ამ ეტაპზე მიმდინარეობს საევაკუაციო გეგმის შემუშავება, რაშიც წითელი ჯვარი და გაეროა ჩართული.
"დავიწყეთ ახალი რაუნდი, რათა შევიმუშაოთ აზოვსტალიდან ევაკუაციის საგზაო რუკა. დავიწყებთ მძიმედ დაჭრილებით. არის წითელი ჯვარი, რომლის წარმომადგენლებიც დღეს ხვდებიან რუსებს. ასევე, მოვილაპარაკეთ გაერო-სთანაც და მივეცით მანდატი. ჩვენ გვჭირდება დოკუმენტი, თუ როგორ მოხდება აზოვსტალიდან ევაკუაცია და მას ხელი უნდა მოვაწეროთ. ამ რაუნდში შუამავალი არის თურქეთი", - განაცხადა ვერეშჩუკმა.
რუსეთი უკრაინაში 24 თებერვალს შეიჭრა. მარიუპოლი 1-ლი მარტიდან ალყაშია. რუსეთი წითელ ჯვარსაც არ აძლევს ქალაქში შესვლის და ჰუმანიტარული ტვირთის ჩატანის საშუალებას. მარიუპოლში ერთადერთი ადგილი, რომელსაც უკრაინელები აკონტროლებენ, აზოვსტალის ქარხანაა, სადაც ახლა მებრძოლები და დაჭრილი ჯარისკაცები იმყოფებიან.
მარიუპოლის სრულად აღების შემთხვევაში რუსეთს ექნება პირდაპირი გასასვლელი ანექსირებული ყირიმისკენ, სწორედ ამიტომ არის ამ ქალაქის დაპყრობა მნიშვნელოვანი აგრესორისთვის.
დახურვა