კანადის მთავრობა უკრაინას 20 000 საარტილერიო საბრძოლო მასალას გადასცემს. ინფორმაციას უკრაინული მედია კანადის თაცდაცვის სამინისტროზე დაყრდნობით ავრცელებს.
მათივე ცნობით, საბრძოლო მასალიდან გასროლა საარტილერიო ქვემეხებიდან, მათ შორის M777 ჰაუბიცებიდანაა შესაძლებელი, რომელიც კანადამ უკრაინას უკვე გაუგზავნა.
ამასთან, დაზუსტებული ინფორმაციით, საბრძოლო მასალა კანადამ შეერთებული შტატებისგან დაახლოებით 98 მილიონ კანადურ დოლარად შეისყიდა.
მედიის ცნობით, მიმდინარეობს მუშაობა, რათა აღნიშნული საბრძოლო მასალა უკრაინას, რაც შეიძლება სწრაფად მიეწოდოს.
რუსეთის უკრაინაში შეჭრის შემდეგ, კანადამ უკრაინას ტანკსაწინააღმდეგო იარაღი და განახლებული საბრძოლო მასალა გაუგზავნა.
ამასთან, ოფიციალურმა ოტავამ უკრაინას 8 ჯავშანტექნიკა გადასცა.