შავი ზღვის საერთაშორისო უნივერსიტეტის სტუდენტები დღევანდელ აქციას უერთდებიან. განცხადებას უნივერსიტეტის თვითმმართველობა ავრცელებს.
"საქართველოს თითოეული მოქალაქე ვალდებულია, დაიცვას საკუთარი ქვეყნის ევროპული მომავალი და ჩვენ, როგორც ყოველთვის, ვდგავართ იქ, სადაც ჩვენი ქვეყნის ევროინტეგრაციისა და მომავლის საკითხი წყდება.
შესაბამისად, შავი ზღვის საერთაშორისო უნივერსიტეტის სტუდენტური თვითმართველობა და სტუდენტები ვუერთდებით აქციას "შინ ევროპისკენ", ჩვენი ევროპული მომავლისთვის.
დღეს 20 ივნისს, 20:00 საათზე, ვიკრიბებით პარლამენტთან", - ნათქვამია განცხადებაში.
აქციას ასევე უერთდებიან თბილისის სახელმწიფო უნივერსიტეტის, ილიას სახელმწიფო უნივერსიტეტის, ჯიპას, საქართველოს უნივერსიტეტის, კავკასიის უნივერსიტეტის, საქართველოს ეროვნული უნივერსიტეტის, საქართველოს ტექნიკური უნივერსიტეტის, თავისუფალი და აგრარული უნივერსიტეტების და სულხან-საბა ორბელიანის უნივერსიტეტის სტუდენტები.
დახურვა