CNN: რუსულმა ძალებმა კიევიდან 25 კილომეტრში მდებარე აეროპორტი დაიკავეს

CNN-ის ინფორმაციით, რუსეთის ძალებმა კიევიდან დაახლოებით 25 კილომეტრში მდებარე აეროპორტი დაიკავეს.

ადგილზე იმყოფება CNN-ის კორესპონდენტი მეთიუ ჩენსი, რომელმაც ტერიტორიაზე მყოფი რუსული სადესანტო ძალები გადაიღო. მისივე თქმით, სამხედროებს პირადად ესაუბრა და მათ ტერიტორიის დაკავების შესახებ განუცხადეს. მათივე მტკიცებით, შეტაკებები გრძელდება. 

ანტონოვის აეროპორტი დედაქალაქიდან 25 კილომეტრში მდებარეობს. 

დღეს რუსეთმა უკრაინაში ომი დაიწყო. თვალი ადევნეთ უკრაინაში მიმდინარე მოვლენებს აქ - რუსეთმა უკრაინაში ომი დაიწყო - განახლებადი.