დაავადებათა კონტროლის ეროვნული ცენტრის ინფორმაციით, 19 მარტის მონაცემებით, ჯამში, კორონავირუსის საწინააღმდეგო ვაქცინით 3 643 მედიცინის მუშაკი აიცრა. ჯამში, აცრის სურვილი ამ დროისთვის 5 185 მედიცინის მუშაკმა გამოთქვა.
საქართველოში COVID-19-ის საწინააღმდეგო ვაქცინაციის პროცესი 15 მარტიდან დაიწყო. პირველ ეტაპზე ვაქცინაცია სამედიცინო პერსონალს ჩაუტარდება. ამ დროისთვის ქვეყანაში ასტრაზენეკას 43 200 დოზაა შემოსული.
მთავრობის ცნობით, დამატებით პარტიას მარტის ბოლომდე ელოდებიან, ასევე, მათივე ინფორმაციით, მარტის ბოლომდე უნდა შემოვიდეს 29 250 დოზა ფაიზერის ვაქცინაც.
დახურვა