კორონავირუსის ახალი შემთხვევა საქართველოში
საქართველოში კორონავირუსის ახალი შემთხვევა დადასტურდა და ბოლო მონაცემებით, ქვეყანაში 12 ინფიცირებული პაციენტია. დღეს კიდევ 17 პაციენტს ჩაუტარდება სინჯი კორონავირუსზე.
რაც შეეხება ბოლო შემთხვევას, ამირან გამყრელიძის შვილმა თავად დაწერა სოციალურ ქსელში პოსტი, სადაც დაინფიცირებულ ადამიანთან კონტატზე საუბრობს.
გუშინ მთავრობის გადაწყვეტილებით, კორონავირუსთან დაკავშირებით პირდაპირი ფრენები შეიზღუდა იტალიასთან. მთავრობა მოსახლეობას მოუწოდებს, რომ თავი შეიკავონ მაღალი რისკის ქვეყნებში მოგზაურობისგან.
ასევე, მთავრობის გადაწყვეტილებით კიდევ ერთი შეზღუდვა დაწესდა. ნებისმიერი ქვეყნის მოქალაქე, რომელიც მაღალი რისკის მქონე ქვეყნიდან შემოვა საქართველოს ტერიტორიაზე უნდა გაიაროს შემოწმებდა და დაემორჩილოს 14 დღიან საკარანტინო წესს.
ან უნდა წარმოადგინონ კორონავირუსზე შემოწმების ტექსტი.
სოლიდარობა აჭარის ტელევიზიის თანამშრომლებს
ქუთაისში „თავისუფალი მედია შეზღუდვების გარეშე“ - ამ სლოგანით ქუთაისელი ჟურნალისტები აჭარის საზოგადოებრივი მაუწყებლის ჟურნალისტებს და პროდიუსერებს სოლიდარობას გამოუცხადებენ.
აშშ-ში საკრუიზო გემზე 21 ადამიანს კორონავირუსი აღმოაჩნდა
სან-ფრანცისკოს სანაპიროსთან მდგომ საკრუიზო გემ Grand Princess-ზე 21 ადამიანს ახალი კორონავირუსი აღმოაჩნდა.
Grand Princess-ზე კორონავირუსზე ანალიზის ასაღები ინვენტარი ვერტმფრენიდან ჩაუშვეს, სადაც სამედიცინო პერსონალმა სინჯი 46 ადამიანს აუღო. აშშ-ის ვიცე-პრეზიდენტ მაიკ პენსის ინფორმაციით, 21 პასუხი დადებით აღმოჩნდა, 24 - ნეგატივი, 1 - გაურკვეველი. აღსანიშნავია, რომ 21 დაინფიცირებულიდან 19 ეკიპაჟის წევრია, 2 კი - მგზავრი.
როგორც მაიკ პენსმა განაცხადა, გემი ერთ-ერთ არაკომერციულ პორტში შევა, სადაც მის ბორტზე მყოფი 2 400 მგზავრი და ეკიპაჟის 1 100 წევრი შემოწმებას გაივლის.
ჭავჭავაძის გამზირის რეაბილიტაციის ფარგლებში, ტრანსპორტის მოძრაობის სქემა იცვლება
ჭავჭავაძის გამზირის რეაბილიტაციის მეოთხე ეტაპის სამუშაოების ფარგლებში, 7 მარტიდან, საავტომობილო მოძრაობა და საზოგადოებრივი ტრანსპორტის სქემა იცვლება.
მერიის ინფორმაციით, დროებითი სქემის თანახმად, ნ. ყიფშიძის ქუჩიდან გ. წერეთლის ქუჩისკენ საავტომობილო მოძრაობა აიკრძალება; ბაგებიდან მოძრაობის გაგრძელება შესაძლებელი იქნება მხოლოდ მარცხნივ, გ. წერეთლის ქუჩის გავლით თამარაშვილის ქუჩისკენ; თამარაშვილის ქუჩიდან მოძრაობის გაგრძელება შესაძლებელი იქნება მხოლოდ მარჯვნივ, გ. წერეთლის ქუჩის გავლით ბაგებისკენ (თამარაშვილის N11-დან N1-მდე ადგილობრივი მცხოვრებლებისთვის მოძრაობა არ შეიზღუდება); ჭავჭავაძის გამზირიდან ვაკის პარკის მიმართულებით მოძრაობა შეიზღუდება - მოძრაობის გაგრძელება მხოლოდ მარჯვნივ, ყიფშიძის ქუჩისკენ იქნება დასაშვები; ყიფშიძის ქუჩიდან ჭავჭავაძის გამზირზე მოხვედრა მხოლოდ მარცხნივ მოხვევით იქნება შესაძლებელი; ი. აბაშიძის ქუჩიდან ჭავჭავაძის გამზირზე მოსახვედრად ტრანსპორტი არაყიშვილისა და კავსაძის ქუჩებს გაივლის.
ჭავჭავაძის გამზირიდან აბაშიძის ქუჩაზე მოხვედრა შესაძლებელი იქნება ბერძენიშვილისა და თაქთაქიშვილის ქუჩების გავლით; რამიშვილის ქუჩაზე ტრანსპორტი ცალმხრივად იმოძრავებს - ქუჩაზე მოხვედრა შესაძლებელი იქნება ჭავჭავაძის გამზირიდან მარჯვნივ მოხვევით, ასევე, არაყიშვილის ქუჩიდან პირდაპირ მოძრაობით; ავალიშვილის ქუჩაზე ავტომობილები ორმხრივად იმოძრავებენ.
რაც შეეხება საზოგადოებრივი ტრანსპორტის მარშრუტებს, N21, N51, N61, N85, N87 ავტობუსებისა და N170 მიკროავტობუსის მარშრუტები, რომლებიც კავსაძისა და ფალიაშვილის ქუჩების გავლით მიშველაძის ქუჩას უკავშირდებოდნენ, მეოთხე ეტაპის სამუშაოების პერიოდში მიშველაძის ქუჩას ბერძენიშვილისა და ფალიაშვილის ქუჩების გავლით დაუკავშირდებიან, ხოლო ჭავჭავაძის გამზირზე მიშველაძის ქუჩიდან აბაშიძისა და კავსაძის ქუჩების გავლით მოხვდებიან.
ბაგებიდან თამარაშვილის გამზირის მიმართულებით მოძრავი ავტობუსები - N9, N59, N140 და ახალი მარშრუტი ბაგები - მ/ს „დელისი“, ასევე, მიკროავტობუსები N32, N126 და N202, ბაგებიდან მოძრაობისას თამარაშვილის ქუჩაზე ვაკის პარკის ტერიტორიის ნაცვლად, გიორგი წერეთლის ქუჩის გავლით მოხვდებიან, ხოლო შემდეგ მოძრაობას ამჟამად დადგენილი დროებითი სქემით გააგრძელებენ.
ავტობუსები N9, N59 და N137 მიკროავტობუსი, რომლებიც თამარაშვილის ქუჩის შემდეგ მიშველაძის, აბაშიძისა და თაქთაქიშვილის ქუჩების გავლით ჭავჭავაძის გამზირზე ხვდებოდნენ, სარეაბილიტაციო სამუშაოების პერიოდში, ჭავჭავაძის გამზირს ჭაბუა ამირეჯიბის გზატკეცილისა და ავალიშვილის ქუჩების გავლით დაუკავშირდებიან; ავტობუსი N83 და მიკროავტობუსები - N4, N15, N44, N73, რომლებიც თამარაშვილის ქუჩიდან აბაშიძის ქუჩაზე ვაკის პარკის მხრიდან, ჭავჭავაძის გამზირისა და მიშველაძის ქუჩის გავლით ხვდებოდნენ, სამუშაოების პერიოდში აბაშიძის ქუჩას თამარაშვილის ქუჩიდან, ჭაბუა ამირეჯიბის გზატკეცილის, ავალიშვილის ქუჩის, ჭავჭავაძის გამზირისა და ბერძენიშვილის ქუჩის გავლით დაუკავშირდებიან.
ყველა დანარჩენი მარშრუტისთვის (N34, N88) სარეაბილიტაციო სამუშაოების მესამე ეტაპის განხორციელების დროს დადგენილი სქემა უცვლელი დარჩება.
პრესკონფერენციები:
- ერთიანი ნაციონალური მოძრაობის“ ცენტრალურ ოფისში ზაალ უდუმაშვილი პრესკონფერენციას გამართავს.
- კლინიკა „ნეოლაბის“ საკონფერენციო დარბაზში კორონავირუსთან დაკავშირებით მონაცემთა კვლევის ჯგუფის (DRG) მიერ ჩატარებული კვლევის შედეგების პრეზენტაცია გაიმართება. კვლევის შედეგებს წარმოადგენენ ინფექციონისტი მაია ბუწაშვილი და ვირუსულოგი გიორგი კამკამიძე.
დახურვა