არა რუსულ კანონს - შაბათის ფორმულა

ცრემლმდენი ყუმბარების ალყაში მოქცეული ათიათასობით მოზარდი. წყლის ჭავლი, დევნა, ცემა დაკავებებისას და ქართული ოცნების უცვლელი ხელწერა, თავისუფლებისთვის მებრძოლ ადამიანებს ისევ თვალები დათხარეს. სამდღიან სამოქალაქო დაუმორჩილებლობას კრემლის დავალებების უსიტყვო შემსრულებლად ქცეულმა, საქართველოს ხელისუფლებამ ძალის დემონსტრაციით უპასუხა. სამივე დღეს შაბათის ფორმულას ყველა ოპერატორი და ჟურნალისტი უწყვეტ რეჟიმში, მსოფლიოს უჩვენებდა, როგორ იბრძვის ხალხი საქართველოში, ევროპული ღირებულებების დასაცავად, და როგორ გაწირავს თავს ყველა ქართველი, რომ აღარასდროს დავბრუნდეთ უკან, საბჭოეთში.