ახალმა ბოინგმა საცდელი ფრენა წარმატებით განახორციელა

ახალმა „ბოინგმა“ საცდელი ფრენა წარმატებით განახორციელა. მსოფლიოს ყველაზე დიდი ორძრავიანი თვითმფრინავი ვაშინგტონის შტატის ქალაქ ევერეტის აეროპორტიდან აფრინდა და 4 საათის შემდეგ სიეტლში დაეშვა, სადაც კომპანიის ერთ-ერთი ქარხანა მდებარეობს. "ბოინგ 777 იქსის" პირველი ფრენა რამდენჯერმე გადაიდო. თავდაპირველად ძრავასთან დაკავშირებული პრობლემების, ბოლო დღეებში კი - ძლიერი ქარის გამო. „ბოინგის“ ახალი ლაინერის ღირებულება 440 მილიონ დოლარს აჭარბებს.