დაავადებათა კონტროლის ეროვნული ცენტრის ხელმძღვანელი, ამირან გამყრელიძე ამბობს, რომ საქართველოში კორონავირუსის გავრცელების პიკმა გადაიარა და ამ კუთხით მცირე, მაგრამ სტაბილიზაციის ნიშნები მაინც შეიმჩნევა.
გამყრელიძემ თქვა:
"ბოლო 2 კვირის განმავლობაში გარკვეული შეზღუდვების შემოღებისა და აღსრულების მეტი კონტროლის შემდეგ, ასევე, უფრო ინტენსიური აცრის ფონზე, ქვეყანაში ეპიდსიტუაციის სტაბილიზაცია დაიწყო. თუმცა, ჯერჯერობით, შემთხვევათა რაოდენობის მაღალ ნიშნულზე.
დღეს, ბოლო 1 კვირის განმავლობაში, ბოლო 7 დღის მანძილზე დადებითობის მაჩვენებელი ჩამოსცდა 10%-ს.
ბოლო 60 დღის განმავლობაში ინციდენტობის მაჩვენებელმა "კუდი ჩამოწია" - ანუ გადაიარა პიკი და ფერდზე ვართ. ანუ შეიმჩნევა ძალიან მცირე, მაგრამ სტაბილიზაციის ნიშნები ყველა პარამეტრით.
რეპდორუდქიის ინდექსი 1%-ს ჩამოსცილდა და გვაქვს 0.86.
სამწუხაროდ, ყველაზე მძიმე ინდიკატორი რჩება მაღალი - სიკვდილიანობა. ეს მაჩვენებელი პიკის გადავლიდან 2 კვირის შემდეგ იწყებს თანდათან შემცირებას".
31 აგვისტოს მონაცემებით, საქართველოში კორონავირუსის 4778 ახალი შემთხვევა დადასტურდა. ამასთან, გარდაიცვალა 79 ადამიანი.
დახურვა