გიორგი შაქარაშვილის საქმეზე ბრალდებულთა ამოცნობის პროცედურა გადაიდო. ფეხბურთელის მეგობარს, გუკა ამირხანაშვილს არასრულწლოვანი ბრალდებული უნდა ამოეცნო.
არასრულწლოვანმა ბრალდებულმა, ზ.ხ.-მ ამოცნობის პროცედურაში მონაწილეობის მიღებაზე თანხმობა ხელმოწერით დაადასტურა. ადვოკატებისთვის უცნობია, როდის ჩატარდება პროცედურა.
არასრულწლოვნის ადვოკატები აკრიტიკებენ სამართალდამცველ სტრუქტურებს - მათი თქმით, გამოძიება სინამდვილის დამტკიცებას არ ცდილობს.
„ხელწერილით დაადასტურებინა არასრულწლოვანს, რომ თანახმაა მიიღოს მონაწილეობა. ეს აბსურდის თეატრია - მე არაერთხელ მაქვს განცხადება გაკეთებული, რომ მზად ვართ მივიღოთ მონაწილეობა. საგამოძიებო სამსახურები ყველაფერს აკეთებენ იმის გარდა, რომ დადგინდეს ობიექტური ჭეშმარიტება და გამოძიება წინ წავიდეს", - ამბობს გიორგი გელხაური.
შეგახსენებთ, რომ ადვოკატ გიორგი გელხაურის თქმით, გუკა ამირხანაშვილის სამალავი არაგვის ხეობის პირზე დამწვარია - ზ.ხ.-ს ადვოკატი თავად იმყოფებოდა ადგილზე და ჯიხურის მიმდებარე ტერიტორია დამწვარი დახვდა.
გურამ ამირხანაშვილი ფეხბურთელის საქმის „ოქროს მოწმეა“ - ის გიორგი შაქარაშვილის მეგობარია, რომელიც თბილისიდან ჩასულმა ექვსმა ახალგაზრდამ დიდუბეში ჩამოიყვანა. ამირხანაშვილის პირველი ჩვენების თანახმად, მას თავისუფლება იძულებით აღუკვეთეს.
დახურვა