ქართული ოცნების თავმჯდომარე ირაკლი კობახიძე პანდემიისას რეგულაციების დარღვევის გამო გამოწერილი ჯარიმების ამნისტიაზე ამბობს, რომ მოსყიდვის ინტერესი რომ ყოფილიყო, ამას სექტემბერში, არჩევნებამდე გააკეთებდნენ.
როგორც მან ჟურნალისტებთან ისაუბრა, რახან პროცესი გადავლილია, ხელისუფლებას ამაზე უნდა ემსჯელა და ის მიიჩნევს, რომ სწორი გადაწყვეტილება იქნა მიღებული.
"ნებისმერი ამნისტიაში, თავისი არსით, არის უსამართლობის მარცვალი. ამნისტია ეხება სამართალდამრღვევს და ბუნებრივია, გარკვეული უსამართლობა ყოველთვის არის. ნებისმიერ ამნისტიას ეს ახასიათებს, მაგრამ საბოლოო ჯამში კოვიდმა სხვადასხვა ფორმით დააზარალა ადამიანები, მათ შორის სამართადამრღვევებიც და როდესაც ეს პროცესი არის უკვე გადავლილი, რა თქმა უნდა, სახელმწიფოსა და ხელისუფლებას მართებდა ამაზე მსჯელობა და ვფიქრობ, ძალიან სწორი გადაწყვეტილება იქნა მიღებული.
მოსყიდვის ინტერესი რომ ყოფილიყო, ეს გაკეთდებოდა მაგალითად სექტემბერში, მაგრამ გაკეთდა ბევრად უფრო ადრე, ვიდრე ტარდება თვითმმართველობის არჩევნები", - თქვა კობახიძემ.
დღეს, 24 ივნისს პრემიერმინისტრმა ირაკლი ღარიბაშვილმა ბრიფინგი გამართა, სადაც თქვა, რომ იმ პირებს, რომლებსაც პანდემიის პირობებში დაწესებული რეგულაციების დარღვევის გამო ადმინისტრაციული ან სისხლის სამართლის პასუხისმგებლობა დაეკისრა, ამნისტია შეეხება.
დახურვა