გერმანიის ყოფილი კანცლერის, ანგელა მერკელის განცხადებით, რუსეთთან მიმართებით მისი პოლიტიკა სწორი იყო.
ამის შესახებ მერკელმა გერმანულ გამოცემა ZEIT-თან ინტერვიუში ისაუბრა.
"იმის გამოყენებით, რაც ჩემს ხელთ იყო, ვცდილობდი, თავიდან სწორედ ასეთი სიტუაცია ამერიდებინა. ფაქტი, რომ ამას შედეგი არ მოჰყოლია, არ ნიშნავს, რომ მცდელობაც არასწორი იყო", - თქვა გერმანიის ყოფილმა კანცლერმა.
მერკელი მიიჩნევს, რომ სწორი იყო ის გადაწყვეტილებები, რომლებიც გერმანიამ ყირიმის ანექსიის შემდეგ მიიღო. როგორც ის ამბობს, სწორედ ამ გადაწყვეტილებებმა მოაგებინა დრო უკრაინას იმისათვის, რომ უფრო გაძლიერებულიყო.
დახურვა