ბელარუსში, უკვე მე-5 დღეა მომიტინგეებსა და სამართალდამცველებს შორის შეტაკებები გრძელდება. ამის შესახებ BBC იუწყება.
მედიასაშუალების ინფორმაციით, სულ ბოლო დღეების განმავლობაში შინაგან საქმეთა სამინისტროს თანამშრომლებმა თითქმის 7 ათასი ადამიანი დააკავეს. მარტო გასული ღამის განმავლობაში პოლიციამ 700 მოქალაქე დააკავა.
BBC-ის ცნობით, 3 დღის განმავლობაში ქვეყნის მასშტაბით ჟურნალისტებზე თავდასხმის 50-ზე მეტი შემთხვევა დაფიქსირდა.
შეგახსენებთ, რომ 9 აგვისტოს ბელარუსში საპრეზიდენტო არჩევნები გაიმართა. ცესკოს პირველადი მონაცემებით, ქვეყნის მოქმედმა პრეზიდენტმა არჩევნებზე 80.23% მოიპოვა. ლუკაშენკოს მთავარმა ოპონენტმა, სვეტლანა ტიხანოვსკაიამ 9.9% მოპოვება შეძლო.
ეგიტპოლის გამოქვეყნების შემდეგ, მოსახლეობა გარეთ გამოვიდა. მომიტინგეები ოფიციალური ეგზიტპოლის შედეგებს აპროტესტებდნენ. ბოლო რამდენიმე დღის განმავლობაში ათობით ადამიანი დაშავდა, 2 კი გარდაიცვალა.
დახურვა