![2022/11/17/61yjskmmv1wrjm8.jpeg](/uploads_script3/articles/2022/11/17/61yjskmmv1wrjm8.jpeg)
ფინეთი უკრაინას 55.6 მილიონი ევროს ღირებულების თავდაცვის აღჭურვილობის მორიგ პაკეტს გადასცემს.
შესაბამისი გადაწყვეტილება ქვეყნის პრეზიდენტმა მიიღო. ეს დახმარების რიგით მე-10 პაკეტი იქნება - ყველა პაკეტის ჯამური ღირებულა 160.4 მილიონ ევროს აღწევს.
"უკრაინას ჯერ კიდევ სჭირდება მხარდაჭერა საკუთარი ტერიტორიის დასაცავად. თავდაცვითი დახმარება, რომელიც ახლა გამოვყავით, იქნება ყველაზე დიდი დახმარება, რომელიც ამ დრომდე გავეცით", - თქვა ფინეთის თავდაცვის მინისტრმა ანტი კაიკონენმა.
აღსანიშნავია, რომ დახმარების პაკეტი უკრაინისთვის ბოლო რამდენიმე დღეში არაერთმა ქვეყანამ გამოყო, მათ შორის ამერიკამ, რომელთა საერთო ღირებულება მილიონობით ევროს შეადგენს.