ქუთაისის ინფექციურ საავადმყოფოში კორონავირუსით ინფიცირებული ერთი ახალი პაციენტი მოათავსეს. მისი ჯანმრთელობის მდგომარეობა დამაკმაყოფილებელია. ახალგაზრდა მამაკაცს თურქეთში მოგზაურობის ისტორია აქვს და ის კლინიკაში საკარანტინე ზონიდან გადმოიყვანეს.
სულ ქუთაისის ინფექციურ სააცადმყოფოში კოვიდ-19 ინფიციერებული 24 პაციენტი მკურნალობს. აქედან 3 ბავშვი. ქუთაისის ინფექციური საავადმყოფოს მთავარი ექიმის, თემურ ნადირაძის თქმით, ოთხი მძიმე პაციენტის მდგომარეობა გაუმჯობესდა. 5 მა გამოჯანმრთეკებულმა მოქალაქემ კლინიკა უკვე დატოვა.
„დღევანდელი მდგომარეობით გვიწევს სულ 24 ინფიცირებული პაციენტი, აქედან 3 ბავშვია. დანარჩენი პაციენტები, 4-5 მძიმე პაციენტი ყოველთვის გყვავდა. მათი მდგომარეობა ბევრად გაუმჯობესებულია. დანარჩენის მდგომარეობა დამაკმაყოფილებელია“, - განაცხადა ნადირაძემ.
ამ მომენტისთვის ქვეყანაში 408 ინფიცირებულია. აქედან, 95 გამოჯანმრთელდა, ხოლო 4 მათგანი გარდაიცვალა. კარანტინის რეჟიმში იმყოფება 4779 პირი, ხოლო სტაციონალური მეთვალყურეობის ქვეშ 561 ადამიანი.
დახურვა