პარლამენტის წევრმა დიმიტრი ცქიტიშვილმა გადაცემაში „პოლიტიკის ფორმულა“ განაცხადა, რომ ხელისუფლებამ აუცილებლად უნდა მიაქციოს ყურადღება 4 კონგრესმენის კრიტიკულ წერილს.
„ეს არის კონგრესი, პარლამენტი. შეიძლება ინდივიდმა მიიღოს უპასუხისმგებლო გადაწყვეტილება. საუბარია კონსოლიდირებულ პოზიციაზე. 4 კონგრესმენის პოზიციაზე, რომლებიც მუდმივად იყვნენ მთავარი ლობისტები საქართველოს ინტერესების, რომლებიც განაგებენ და ქმნიან საგარეო პოლიტიკას, განსაკუთრებით საქართველოსთან მიმართებაში.
ეს არ არის განმსაზღვრელი პოზიცია თუ როგორ პოლიტიკას აირჩევს თეთრი სახლი, მაგრამ კონგრესში არსებული განწყობები, გარკვეული ვადების პერიოდში განაპირობებს პოლიტიკური კურსის შეცვლას“, - განაცხადა ცქიტიშვილმა.
შეგახსენებთ, რომ ამერიკელმა კონგრესმენებმა გიორგი გახარიას ღია წერილით თვრამეტ იანვარსაც მიმართეს, სადაც საქართველოს მთავრობას ამერიკული კომპანიების მიმართ მტრული დამოკიდებულების შეწყვეტისკენ მოუწოდეს.
დახურვა