ხარკივზე სარაკეტო თავდასხმის დროს დაღუპულთა რიცხვი 12-მდე გაიზარდა, 20 ადამიანი კი დაშავდა. ინფორმაციას საგანგებო სიტუაციების მართვის სააგენტო ავრცელებს.
ყველა დაღუპული მშვიდობიანი მოქალაქეა. მათ შორის არიან ხანდაზმულები და შშმ პირებიც. უწყებაში ამბობენ, რომ საცხოვრებელი სახლის გვერდით არანაირი სამხედრო ობიექტი არ იყო.
სამძებრო-სამაშველო სამუშაოები ამ დრომდე გრძელდება. მაშველებმა ნანგრევებიდან უკვე 4 ადამიანი ამოიყვანეს - მათი მდგომარეობა მძიმეა. ხანძარი, რომელიც სარაკეტო თავდასხმის დროს საცხოვრებელ კორპუსში გაჩნდა, ამ დროისთვის უკვე ჩამქვრალია. ადგილზე 80 მაშველი მუშაობს.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა