მიუნხენის უსაფრთხოების კონფერენცია - წელს ძალიან პროდუქტიული მონაწილეობა გვქონდა. ჩვენმა პარტნიორებმა მხარი დაუჭირეს უკრაინულ ხედვას გლობალურ დღის წესრიგზე. ცალკე შეხვედრები იყო ამერიკელ პარტნიორებთან. პრეზიდენტ ბაიდენთან საუბარი მოიცავდა ძალიან მნიშვნელოვან აქცენტებს. კერძოდ, ავდიივკას და უკრაინის პრინციპული და საკმარისი მხარდაჭერის გაგრძელების აუცილებლობას. შეერთებული შტატების ვიცე-პრეზიდენტთან მოლაპარაკებები ძალიან არსებითი იყო. შეხვედრები გაიმართა ამერიკის კონგრესის ორივე პალატის წარმომადგენლებთან.
ყოველი ასეთი საუბარი ნათლად ადასტურებდა საკვანძო აზრს - მხოლოდ უკრაინას შეუძლია პუტინის შეჩერება და პირობების შექმნა, რათა ის დაისაჯოს ყველა ბოროტების გამო, რომელიც მან ჩაიდინა, მაგრამ იმისთვის, რომ უკრაინამ ამ წარმატებას მიაღწიოს, თავისი მიწა, ხალხი და ჩვენი საერთო სიმართლე დაიცვას - უკრაინა მარტო არ უნდა დარჩეს. მხარდაჭერა, სოლიდარობა მნიშვნელოვანია. მხოლოდ ერთად, ერთიანობით შეგვიძლია გავიმარჯვოთ ამ ომში.
განაცხადა უკრაინის პრეზიდენტმა, ვოლოდიმირ ზელენსკიმ ყოველდღიური ვიდეომიმართვისას.
დახურვა
