რამდენიმე დღეა, თვალს ვადევნებ მედიაში ხელოვნურად შექმნილ ფეიკკამპანიას უსახლკარო ოჯახებზე. ძალიან ვწუხვარ, რომ მოსახლეობის ნაწილი, მით უმეტეს სოცქსელების მომხმარებლები, აყვნენ ამ ამორალურ მანიპულაციას. ასე სახე როგორ უნდა დაკარგოთ ზოგიერთებმა, რომ ბავშვების საშუალებით "გაამძაფროთ" ყალბი ინფორმაცია?! ამის იქით რაღა დარჩა? შემდეგი მანიპულაციისთვის რას და როგორ გამოიყენებთ - წარმოდგენაც კი მზარავს! ვიტყოდი სირცხვილია-ს, მაგრამ ბავშვების ფოტოების მოფრიალეებს, არა მგონია ეს გრძნობა აწუხებდეთ.
წერს თბილისის მერი კახა კალაძე 8 წლის გიგის საქმესთან დაკავშირებით. დევნილთა სააგენტოს მტკიცებით, 14 დეკემბერს ბავშვის ოჯახს ზუგდიდში სახლი გადასცეს, გიგის ადვოკატი კი ამბობს, რომ ოჯახისთვის არც გასაღები მიუციათ და არც იმ კორპუსშია შესახლებული ვინმე, შესაბამისად, ოჯახი გარეთ რომ არ დარჩენილიყო, თბილისში, ნაგავსაყრელზე სახლი აიშენეს.
დახურვა
