logo
ENG


ღარიბაშვილი: მჯერა, ევროპულ ერთიანობას ისევე სჭირდება საქართველო, როგორც ჩვენ - ევროპა
  • 1122ნახვები

ევროპის დღეს ვულოცავ ყველას, ვისთვისაც ძვიფასია ევროპული ღირებულებები, ყველას ვინც საქართველოს მომავალს ხედავს ევროპის სახელმწიფოთა დიდ ოჯახში. მე ვულოცავ ჩვენს მეგობრებს, ევროკავშირის ელჩს - ბატონ კარლ ჰარცელს და ევროკავშირის წარმომადგენლობას საქართველოში.

ქართველები ვამაყობთ, რომ ევროპული კულტურის ერთ-ერთი შემოქმედი ვართ. დამოუკიდებლობის აღდგენის დღიდან ვისწრაფვით ჩვენი ბუნებრივი გარემოს ევროპული სივრცისაკენ. მჯერა, რომ ევროპულ ერთიანობას ისევე სჭირდება საქართველო, როგორც ჩვენ გვჭირდება ევროპა. ამ ერთიანობისაკენ არაერთი ნაბიჯი გადავდგით. 2014 წელს საკვანძო მოვლენად იქცა ასოცირების ხელშეკრულება, ევროპასთან სავიზო ბარიერის მოხსნამ კიდევ უფრო დაგვაახლოვა ერთმანეთს.

ევროინტეგრაციის პროცესი ჩვენი აფხაზი და ოსი ძმებისთვისაც უნიკალური შესაძლებლობაა, ისარგებლონ ყველა იმ სიკეთით, რაც ევროპასთან დაახლოებას მოაქვს.

საქართველო ევროპის ურთიერთობები არასოდეს ყოფილა ისეთი ძლიერი, როგორც დღეს.

მე მადლობას ვუხდი ჩვენს ევროპელ მეგობრებს და პარტნიორებს , ვისი უდიდესი თანადგომის გარეშეც საქართველოს ასეთი წინსვლა შეუძლებელი იქნებოდა.

2024 წელს ჩვენ გავაკეთებთ განაცხადს ევროკავშირის სრულ წევრობაზე. ბედნიერი ვარ, რომ სწორად დღევანდელ თაობას ხვდა წილად, სინამდვილედ აქციონ ჩვენი წინაპრების ოცნება. ყველას გილოცავთ ევროპის დღეს!

თქვა პრემიერმინისტრმა ირაკლი ღარიბაშვილმა ევროპის დღესთან დაკავშირებით.



ასევე ნახეთ
close დახურვა