ამ ხელისუფლებამ გადადგა ძალიან სწორი ნაბიჯები, რასაც გადადგამდა საქართველოს ყველა პატრიოტული ხელისუფლება.
პირველი - უკრაინის მხარდამჭერ რეზოლუციას გენერალურ ასამბლეაზე დაუჭირა მხარი. რუსეთის გარიცხვას ევროპის საბჭოდან დაუჭირა მხარი. დიდი ბრიტანეთის ინიციატივას, რომ გაეროს სასამართლოში რუსეთის წინააღმდეგ აღძრულიყო საქმე იმის გამო, რუსეთის ფედერაციამ განახორციელა საერთაშორისო სამართლის სრული დარღვევით უკრაინის წინააღმდეგ აგრესია, დაუჭირა მხარი. არ ვთქვათ ეს? ვთქვათ, რომ ეს არ გაუკეთებია საქართველოს ხელისუფლებას? ხომ იდიოტიზმია ეს, მაპატიეთ.
შეიძლება მეტი გააკეთოს? ამისათვის უნდა გვქონდეს ზუსტად იმ ხარისხის და იმ რაოდენობის ინფორმაცია, რომელიც აქვს ხელისუფლებას. მე ეს ინფორმაცია არ მაქვს. ჩვენი უკრაინელი მეგობრები უკმაყოფილო არიან. ამასაც ხაზი უნდა გავუსვათ, მაგრამ ის, რაც გაკეთებულია, ამაზე უნდა ვთქვათ, რომ გაკეთებულია.
თქვა აჭარის საზოგადოებრივი მაუწყებლის ეთერში ენმ-ს ყოფილმა თავმჯდომარემ, დეპუტატმა გრიგოლ ვაშაძემ უკრაინის ომთან დაკავშირებით საქართველოს საგარეო კურსზე დასმული კითხვის საპასუხოდ.
დახურვა
