ყველანი ჩავფლავდით. მაშინ [2019 წელს რუსეთში ვიზიტისას] ეს ჩემთვის ძალიან მნიშვნელოვანი იყო [პუტინთან კომუნიკაციის ღია არხის შენარჩუნება], რადგან ვფიქრობდი, რომ ევროპის ყველა ლიდერს უნდა ეტვირთა ამ "პრობლემურ მეზობელთან" საუბრის თავისი წილი პასუხისმგებლობა. და ასეც მოვიქეცი. თქმა არ უნდა, რომ ჩვენ შევცდით, ეს დიდი შეცდომა იყო. ძლიერის პოზიციიდან საუბარი ალბათ მეტ შედეგს მოგვიტანდა...
დღეს ბევრი ჩვენგანი ფიქრობს: რა მოხდებოდა, დღევანდელი სანქციები საქართველოს ნაწილობრივი ოკუპაციის შემდეგ რომ დაგვეწესებინა? "ჩავლილ წყალზე" მოთქმა არაფერს შველის, მაგრამ ვფიქრობ, უნდა ვაღიაროთ, რომ ევროპული რეაქცია საქართველოში მომხდარზე იმდენად სუსტი იყო, რომ ყირიმი გამოიწვია. ყირიმზე რეაქცია კი, თუმცა უფრო მკვეთრი იყო, მაინც იმდენად სუსტი აღმოჩნდა, რომ გამოიწვია ის, რასაც დღეს ვხედავთ... ასე რომ, უნდა ვაღიაროთ, რომ ჩვენ, ყველანი, შევცდით.
რადიო თავისუფლებასთან ინტერვიუში აცხადებს ესტონეთის ყოფილი პრეზიდენტი კერსტი კალიულაიდი [რადიო თავისუფლების თარგმანი].
დახურვა
