ჩვენ ვხედავთ, რომ აღარ არსებობს ის, რასაც თავად უწოდებდნენ წლების მანძილზე – ხერხემალი, ვგულისხმობ ვანო მერაბიშვილს, რადგან ვანო მერაბიშვილი რაც საპატიმროდან გამოვიდა, მათი მოლოდინების მიუხედავად, ყველა ვხედავთ, რომ მისი პოლიტიკური რესურსი არის ნული, ან კიდევ ნაკლები. ასევე, აღარ არსებობს ლიდერი, რომელიც არის არაერთი სისხლის სამართლის საქმის ფარგლებში დამნაშავედ ცნობილი და იხდის სასჯელს, ვგულისხმობ ყოფილ პრეზიდენტს. რაც შეეხება ჭკუას, არის საზღვარგარეთ, ვგულისხმობ ადეიშვილს. ამიტომ მათ არ ემუქრებათ რაიმე ტიპის წინსვლა, წარმატება, თუ ისევ ძველ სახეებზე გააკეთებენ აქცენტს.
ლიდერიც, ხერხემალიც და ჭკუაც ყველა არის მსჯავრდებული, ამიტომ ისინი არ გამოადგებიან. ახალი ლიდერი ვერ გამოკვეთეს, ესეც პრობლემაა ხოლმე პოლიტიკური გაერთიანებისთვის და შეიძლება, კრიზისი ყველა პარტიას დაუდგეს, მაგრამ რაღაცა მომენტის შემდეგ, შიდა მუშაობის, ანალიზის, გადაფასების, თუ შეფასების შედეგად გამოკვეთენ ხოლმე ლიდერს. მათ ესეც ვერ შეძლეს და რეალურად ალბათ ეს არ არის ის კრიზისი, რომლის გადალახვასაც შეძლებენ. მე ვფიქრობ, რომ ჩვენ ვესწრებით ამ პოლიტიკური ძალის საბოლოო დასასრულს
ამბობს კულტურის მინისტრი თეა წულუკიანი. მის კომენტარს საზოგადოებრივი მაუწყებელი ავრცელებს.
ნაციონალური მოძრაობა თავჯდომარის ასარჩევად არჩევნების ჩატარებას გეგმავს. არჩევნებში მონაწილეობას მიიღებს ნიკა მელიაც, რომელიც ამ პოსტს ამჟამად იკავებს.
დახურვა
