საქართველოს ისტორიული და ბუნებრივი არჩევანი ამ ქვეყნის მოსახლეობამ დიდი ხნის წინ განსაზღვრა. რა გამოწვევაც არ უნდა იდგეს, სხვა მოცემულობა და სხვა გზა არ გაგვაჩნია. ამ გზაზე მოკავშირეების გარეშე ვერც ვივლით და არც შეიძლება. არ მეგულება არც ერთი კანონი და არც ერთი კანონის მიზანი თუ შედეგი, რომელიც ქვეყნის ევროპულ პერსპექტივას გაუთანაბრდება. არ მეგულება არც ერთი კანონი, რომელიც პოლარიზაციისა და დაპირისპირების ასეთ ფასად შეიძლება ღირდეს. მე სოხუმში დაბრუნების ერთადერთ გზად, ძლიერ და განვითარებულ საქართველოში ვხედავ, რომელიც მიმზიდველი უნდა გახდეს აფხაზებისთვის. ამის შესაძლებლობის ერთადერთი გზა ევროპულ ინტეგრაციაზე გადის. ამიტომ ყველა სხვა ამოცანა ჩემთვის მეორეხარისხოვანია, ევროპულ მიზანთან შედარებით. ამიტომ არ დავუშვათ და არ გავუშვათ შანსი ჩვენი მომავლისთვის.
აცხადებს ტელეკომპანია იმედის ჟურნალისტი და ტელეწამყვანი თეა სიჭინავა.
7 მარტს ქართულმა ოცნებამ პირველი მოსმენით მიიღო "უცხოური გავლენის გამჭვირვალობის შესახებ" რუსული კანონი. პარლამენტთან მასშტაბური აქცია გაიმართა. შსს-მ აქტივისტების წინააღმდეგ ცრემლსადენი გაზი, წიწაკის სპრეი და წყლის ჭავლი გამოიყენა.
დღეს 15:00 საათზე პარლამენტთან რუსული კანონის წინააღმდეგ აქციაა დაგეგმილი.
დახურვა
