ივანიშვილის რეჟიმმა ქვეყნის წარმომადგენლობით, საკანონმდებლო ორგანოებში კრიმინალური, ძალადობრივი ქცევა პოლიტიკური ცხოვრების წესად აქცია.
რეჟიმი ძალადობის ორგანიზებას ოპონენტებთან ანგარიშსწორებისთვის უკვე წლებია მიმართავს და ამის არაერთი მაგალითი ვიხილეთ მათი ხელისუფლებაში მოსვლის დღიდან (კორცხელი, ახალქალაქი, დმანისი და სხვა).
ხელისუფლებამ ნაციონალური მოძრაობის საკრებულოს წევრს, ირაკლი ეძგვერაძეს მისი დასჯის მიზნით ოჯახში კრიმინალები მიუგზავნა, თბილისის საკრებულოში დღეს მომხდარი დაპირისპირების გამო, რაც საგანგაშო ტენდენციაა ივანიშვილის რეჟიმის სტანდარტის გათვალისწინებითაც კი.
ივანიშვილის რეჟიმი ქვეყნისთვის მრავალმხრივ საფრთხეს წარმოადგენს და მათ შორისაა ქვეყნის ძალადობრივი კლიმატში ჩაძირვა, რაც, საბოლოოდ, ყველა მოქალაქეს უქმნის ძალადობის საფრთხეს.
ივანიშვილის რეჟიმი პუტინისტური კრიმინალების ბანდაა. ქართული ოცნება პირდაპირაა შერწყმული კრიმინალურ ჯგუფებთან და მათი გამოყენებით, სხვა უკანონო მეთოდებთან ერთად, ცდილობს ძალაუფლების შენარჩუნებას და ძალის დემონსტრირებას.
კრიმინალები, რომლებსაც ხელისუფლება ოპონენტების შესავიწროებლად იყენებს, პოლიტიკურ ანგარიშსწორებაზე არ გაჩერდებიან. ხელისუფლების მიერ გაძლიერებული დამნაშავეები ძალადობის საფრთხეს ზრდიან საქართველოს ყველა მოქალაქისთვის და ეს განუკითხაობა უნდა დავასრულოთ ივანიშვილთან ერთად.
ასე ეხმაურება ევროპული საქართველოს ლიდერი ოპოზიციონერ დეპუტატსა და მის თანმხლებ პირებზე ჯგუფურ თავდასხმას.
დახურვა
