დაველოდოთ ქართული ოცნების რეაქციებს ფორმულას მიერ გავრცელებულ ინფორმაციასთან დაკავშირებით. ფაქტია, რომ ოლიგარქის პოლიტიკურმა გუნდმა მმართველობის მიწურულს ლოცვა გააძლიერა და თუკი, ივანიშვილი ადრე ეკლესიის საჯარო კრიტიკისკენ მოუწოდებდა საზოგადოებას, ახლა რელიგიურ გრძნობებს პოლიტიკური მიზნებისთვის მანიპულაციურად იყენებს. ოცნების ახალი რიტორიკა მოიცავს ტერიტორიული მთლიანობის აღდგენის დაპირებასაც, რაც ოპონენტებს უჩენს განცდას, რომ შესაძლოა ოკუპანტ ქვეყანასთან საქართველოსთვის საზიანო გარიგება მზადდებოდეს. სახიფათოდ აღიქვამენ კიდევ ერთ გავრცელებულ ვერსიას, რომ ივანიშვილი ოკუპირებულ ტერიტორიებთან კონფედერაციის შექმნას განიხილავს. რაც შეეხება სოციალურ პრობლემას - მმართველობის მეთორმეტე წელს "უფასო ფულის" დაპირება, პოლიტიკური რევანშის მისიამ სრულად ჩაანაცვლა
დახურვა
