რეჟიმი ამტკიცებს, რომ მზია ამაღლობელის ჯანმრთელობის მდგომარეობა ოცდღიანი შიმშილობის შემდეგ დამაკმაყოფილებელი და სტაბილურია. ადვოკატის შეფასებით კი რეჟიმის ტყვე მედიამენეჯერს საუბარი და გადაადგილება უჭირს. ეს მხოლოდ ვიზუალური შეფასებაა, რადგან სიღრმისეულ გამოკვლევებს მხოლოდ მომავალ კვირას ჩაუტარებენ. მოსალოდნელი გართულების ფონზე, ომბუდსმენი კონსილიუმს არ ქმნის. ლევან იოსელიანის აპარატში ამბობენ, რომ ამ თხოვნით ჟურნალისტის ოჯახს არ მიუმართავს. მზია ამაღლობელს სურს, აქცენტი არა მის ჯანმრთელობაზე, არამედ სინდისის სხვა პატიმრებზე გაკეთდეს.
დახურვა
