ქართული ოცნება - დემოკრატიული საქართველოს მარნეულისა და გარდაბნის მაჟორიტარი დეპუტატობის კანდიდატმა, ზაურ დარგალმა ჟურნალისტებთან საუბრისას მარნეულში 29 სექტემბერს მომხდარი ინციდენტები შეაფასა და განაცხადა, რომ ნაციონალური მოძრაობა აქტიურად აგრძელებს პროვოკაციულ მოქმედებებს.
დარგალის თქმით, ოპონენტებს პროვოკაციებისგან არაფერი გამოუვათ და მათ არჩევნები წაგებული აქვთ.
"სამწუხაროა, რომ ნაციონალური მოძრაობა აქტიურად აგრძელებს პროვოკაციულ მოქმედებებს. მათ იციან, რომ მარნეულსა და მთელი საქართველოს მასშტაბით წაგებული აქვთ არჩევნები. იმ ფონზე, როდესაც ჩვენ ძალიან პოზიტიური წინასაარჩევნო კამპანია გვაქვს, ისინი ყოველდღიურად ცდილობენ, არა მარტო მარნეულში, ამის მაგალითი იყო ბოლნისიც... წელს პროვოკაციები მოწყობილია პირდაპირ ქართული ოცნების შტაბის წინ. მინდა, ყველას მივმართო, ვინც ყოველდღიურად გეგმავს პროვოკაციებს მარნეულში და არა მარტო აქ, არაფერი გამოვა", - განაცხადა დარგალმა.
მარნეულში რამდენიმე ინციდენტი მოხდა.
საზოგადოებრივი მაუწყებლის ინფორმაციით, მათ გადამღებ ჯგუფსაც თავს დაესხნენ, ოპერატორს კი ფიზიკურად გაუსწორდნენ.
დახურვა