უკრაინის შეიარაღებული ძალების გენერალური შტაბის ინფორმაციით, უკრაინის საჰაერო ძალებმა მაღალი სიზუსტის რაკეტებით რუსეთის ქალაქ ვორონეჟში მდებარე საწარმო დააზიანეს, რომელიც რუსული რაკეტებისთვის ელექტრონულ კომპონენტებს აწარმოებს.
ინფორმაციას ასევე რუსული Telegram-არხი ASTRA ავრცელებს.
"22 ივნისს უკრაინის შეიარაღებული ძალების საჰაერო ძალების დანაყოფებმა რუსეთის ფედერაციის ქალაქ ვორონეჟში მდებარე რუსული რაკეტების კომპონენტების მწარმოებელ საწარმოზე იერიში მიიტანეს. სამიზნის დასაზიანებლად გამოყენებული იყო მაღალი სიზუსტის საჰაერო ბაზირების ფრთოსანი რაკეტები", - ნათქვამია გენშტაბის განცხადებაში.
გენშტაბის ინფორმაციით, აღნიშნულ საწარმოში აწარმოებდნენ ელექტრონიკას, რომელიც გამოიყენება რუსულ რაკეტებში, მათ შორის ოპერატიულ-ტაქტიკური სარაკეტო კომპლექს „ისკანდერისა“ და Х-101 ტიპის რაკეტებისთვის. სავარაუდოდ, საუბარია ვორონეჟის ნახევარგამტარული მოწყობილობების ქარხანაზე.
ამავე საწარმოში მზადდებოდა ელექტრონული კომპონენტები რუსული სარაკეტო შეიარაღებისა და საჰაერო თავდაცვის სისტემებისთვისაც.
"ობიექტის საწარმოო სიმძლავრეების განადგურება მნიშვნელოვნად შეამცირებს რუსეთის შესაძლებლობას, აწარმოოს ახალი რაკეტები", - თქვეს უკრაინის გენერალურ შტაბში.
დახურვა