რა ფორმით ჩატარდება სააღდგომო ლუტურგია - მართმადიდებელი მრევლის მთავარ კითხვაზე დეტალები სავარაუდოდ დღეს გაირკვევა. თეოლოგები ფიქრობენ, რომ საქართველოს საპატრიარქო კორონავირუსის გამო ქვეყანაში დაწესებული შეუზღუდვების მიუხედავად, პოზიციას არ შეცვლის და სააღდგომო ლიტურგიას ტრადიციულად ჩაატარებს.
„ვეჭვობ, რომ საპატრიარქომ თავისი პოზიცია შეცვალოს, მით უმეტეს როდესაც გარკვეული სადავეები უკვე ხელში აქვს, ერთგვარი კოზირი. სააღდგომო ლიტურგია ჩატარდება ჩვეულებრივად. ეს არ არის რწმენის დევნის თემა, ეს არის ადამიანის უსაფრთხოების და მისი სიცოცხლის დაცვის საკითხი, რომელიც ძალიან მშვიდად და მორჩილად მიიღო ყველა ეკლესიამ, ყველა ქვეყანაში“, - განაცხადა თელოგომა გოჩა ბარნოვმა.
საპატრიარქოს მხრიდან დათმობაზე წასვლას არ ელოდება კიდევ ერთი თეოლოგი ზვიად ცაბაძე. ის აცხადებს, რომ მღვდელმთავრები რის-ჯგუფებს კიდევ ერთხელ მოუწოდებენ, სახლში დარჩნენ, ხოლო მათ, ვისაც მისვლა სურთ, ეტყვიან, რომ ტაძრები ღიაა.
„არ ველოდები, რომ საპატრიარქო დათმობაზე წავა. არ ველოდები, რომ იტყვიან - ხალხი დარჩეს სახლში. ჩემი აზრით, საპატრიარქო კიდევ ერთხელ მოუწოდებს მრევლს, რისკ-ჯგუფებს, რომ დარჩნენ სახლში, ვისთვისაც ეს საფრთხეა და რომ იმ ადამიანებისთვის, ვისაც მისვლა უნდათ, ტაძარი ღია იქნება“, - განაცხადა თეოლოგმა ზვიად ცაბაძემ.
რას იზამს საპარტიარქო მაშინ როდესაც ეკლესიაზე არანაირი შეზღუდვა არ მოქმედებს და ქვეყანა კორონავირუსის გავრცელების კრიტიკულ ფაზაში შედის. საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე ამბობს, რომ ომ ლიტურგია ტაძრებში აუცილებლად ჩატარდება. საეკლესიო რიტუალი შესრულდება წმინდა იოანე ღვთისმეტყველის ტაძარშიც, სადაც მღვდელმსახურს კორონავირუსი დაუდასტურდა.
შეგახსენებთ, რომ ქვეყანაში 21 მარტიდან საგანგებო მდგომარეობა მოქმედებს, ხოლო 31 მარტიდან საყოველთაო კარანტინი და კომენდანტის საათია გამოცხადებული. მოქალაქეებს გარკვეული შეზღუდვები დაუწესდათ. მათ შორის, ქვეყნის მასშტაბით 21:00 საათიდან, დილის 06:00 საათამდე ტრანსპორტის და ქვეითად მოსიარულეთა გადაადგილება იკრძალება. 15 აპრილიდან 10 დღით დაიკეტა ოთხი დიდი ქალაქიც.
საქართველოში ვირუსით ინფიცირების პირველი შემთხვევა 26 თებერვალს დაფიქსირდა.
ჯანდაცვის მსოფლიო ორგანიზაციამ ვირუსი პანდემიად 11 მარტს გამოაცხადა.
დახურვა