ღამით რუსებმა მიკოლაივში საცხოვრებელი კორპუსი დაბომბეს - მაშველებმა კორპუსიდან 11 წლის ბიჭი ამოიყვანეს, რომელიც ნანგრევებში 6 საათი იმყოფებოდა. ინფორმაციას მიკოლაივის სამხედრო ადმინისტრაციის ხელმძღვანელი ვიტალი კიმი ავრცელებს.
ბავშვს სამედიცინო დახმარება უტარდება.
"ღამით ქალაქი მიკოლაივი S-300 რაკეტებით დაბომბეს. ერთ-ერთი რაკეტა ხუთსართულიან შენობას მოხვდა. ნანგრევებიდან 11 წლის ბიჭი ამოიყვანეს. ბავშვმა ნანგრევების ქვეშ 6 საათი გაატარა"- ამბობს კიმი.
კიმის თქმითვე, ოკუპანტებმა მიკოლაივს S-300 ტიპის 8 რაკეტა ესროლეს. მისივე ინფორმაციით, მაშველები ნანგრევებში კიდევ 7 ადამიანს ეძებენ.
დახურვა