ევროკავშირის წევრი ქვეყნების საგარეო საქმეთა მინისტრები ავთანეთის საკითხზე საგანგებო ვიდეოკონფერენციაზე იმსჯელებენ. ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჟოზეფ ბორელმა ტვიტერზე დაწერა, რომ შესაბამისი გადაწყვეტილება მათ პარტნიორენთან ინტენსიური კომუნიკაციის შემდეგ მიიღეს.
"ავღანეთში ბოლოდროინდელი მოვლენების შემდეგ, ბოლო დღეებსა და საათებში პარტნიორებთან ინტენსიური კონტაქტის შედეგად გადავწყვიტე, რომ ხვალ დღის მეორე ნახევარში მოვიწვიო ევროკავშირის საგარეო საქმეთა მინისტრების საგანგებო ვიდეოკონფერენცია, პირველი შეფასებისთვის", - დაწერა ბორელმა ტვიტერზე.
Following latest developments in #Afghanistan, and after intense contacts with partners in the past days and hours, I decided to convene an extraordinary VTC of EU Foreign Ministers #FAC tomorrow afternoon for a first assessment.
ავღანეთის დედაქალაქ ქაბულში თალიბანი გუშინ, 15 აგვისტოს შევიდა, პრეზიდენტმა აშრაფ ღანიმ კი ქვეყანა დატოვა.
მედიაში ვრცელდებოდა ინფორმაცია, რომ მთელი დღის განმავლობაში ავღანეთის მთავრობასა და დაჯგუფების წარმომადგენლებს შორის ხელისუფლების მშვიდობიანი გზით გადაცემის თაობაზე მოლაპარაკებები მიმდინარეობდა.
2021 წლის 14 აპრილს აშშ-ის პრეზიდენტმა, ჯო ბაიდენმა ავღანეთიდან ამერიკული ჯარების გაყვანის შესახებ განაცხადა. პირველ მაისს ოფიციალურმა ვაშინგტონმა ავღანეთიდან ჯარის გაყვანა ოფიციალურად დაიწყო.
დახურვა