„ახალი საქართველოს“ ლიდერი გიორგი ვაშაძე „ფორმულასთან“ საუბარში ხელისუფლების მიერ დაწესებულ რეგულაციებზე საუბრობს და აცხადებს, რომ ეს მათ არაპროფესიონალიზმზე მეტყველებს.
ვაშაძის თქმით, ხელისუფლებას მხოლოდ ძალაუფლების შენარჩუნების ინტერესი აქვს.
„პირველი, რომ პროცესი მართავს ხელისუფლებას და არა ხელისუფლება პროცესს. მეორე, რომ სწორედ ამიტომ, თითოეული საქართველოს მოქალაქე ვართ სპონტანური გადაწყვეტილების მსხვერპლი. მესამე, ხელისუფლებამ პილატე პონტოელის მსგავსად, პასუხისმგებლობა ხალხს გადააკისრა სააღდგომო ლიტურგიასთან დაკავშირებით. მეოთხე, ცდილობს ხელისუფლება პოლიტიკური სარგებელი მიიღოს და აჩვენებს თითქოს რამეს აკეთებს.
"აბსოლუტურად გაუაზრებელი ქმედების მსხვერპლია საქართველო. არაპროფესიონალიზმი და უცოდინრობა და მხოლოდამხოლოდ ხელისუფლების შენარჩუნების მძაფრი ინტერესი. მეტი არაფერი ამოძრავებთ ამ ადამიანებს“, - აცხადებს ვაშაძე.
შეგახსენებთ, რომ საპატრიარქოსა და ხელისუფლებას შორის სააღდგომო ლიტურგიასთან დაკავშირებით მოლაპარაკებები მიმდინარეობდა. საბოლოო ჯამში საპატრიარქო და მთავრობა ლიტურგიის ჩატარებაზე შეთანხმდნენ. შესაბამისი განცხადებები გუშინ საპატრიარქოს პრესსამსახურმა მამა ანდრია ჯაღმაიძემ გააკეთა. კერძოდ, ჯაღმაიძის თქმით, ეკლესიის კარი არ დაიკეტება.
დახურვა